|
|
Addis Ababa(Berberatoday.com)-Raysal-wasaaraha Dalka Itoobiya, Abiy Axmed ayaa sheegay inuu ka badbaaday qorshe la doonayey in lagu khaarajiyo.
Abiy, ayaa u sheegay Baarlamaanka Itoobiya in ciidamaddii dhawaan galay agagaarka xafiikiisa inay qorsheynayeen inay dilaan isaga, wuxuuna inta ku daray inay isaga la sameeyaan jimicsi isagoo faraxsan oo dhoola caddeynayay maalinkaasi, balse uu gudaha ka gubanayay oo uu wer-werayey.
“Xaaladda ciidammada waa la dejiyay, qaar ka mid ah ciidammada ayaa la maqlayay iyagoo leh ‘wuxuu baxsaday ka hor inta aanan dilin’ marka, yaanan u qaadanin arrinta mid fudud.” ayuu yidhi Abiy Axmed, sida ay baahisay Idaacadda BBC-du
Bishii June ee sannadkan meel u dhow goob uu ku sugnaa ra’iisul wasaaraha Itoobiya Abiy Axmed ayaa la qarxiyay, weerarkaas ayuu Raysal-wasaare Abiy ku tilmaamay ”Isku day aan guuleysan oo ay wadaan canaasiir diidan midnimada Itoobiya”
Weerarka ilaa shan ruux ayaa loo xukumay ,iyagoo lagu eedeyay inay isku dayeen dilka Abiy Axmed.
Berberatoday.com
Follow