|
|
Ceerigaabo(Berberatoday.com)-Maayerka magaalada Ceerigaabo ee xarunta gobolka Sanaag Ismaaciil Xaaji Nuur, ayaa dhalliilay qaabka uu u shaqeeyo Mashruuca horumarinta Somaliland Development Fun ee loo soo gaabiyo SDF, kaas oo uu sheegay inaan waxba looga qaban gobollada iyo degmooyinka Bariga Somalialnd, hase-yeeshee, looga faa’iideeyo gobollada Galbeedka, waxaanu ku dooday in laga eexday gobollada Bari.
MAAYERKA CEERIGAABO ISMAACIIL XAAJI NUUR OO EEDEEYEY SDF
Waxa uu Duqa degmada Ceerigaabo Ismaciil Xaaji sheegay inay jiraan Wasiirro Xukuumaddii hore iyo Xukuumaddan hadda ee Muuse Biixi xilal ka hayey kana haya oo aan weli arag magaalada Ceerigaabo iyo gobolka Sanaag toona, waxaanu soo jeediyey in loo baahan yahay in loo sinnaado Mashaariicda horumarinta Somaliland ee laga fuliyo Sanduuqa SDF.
Ismaaciil Xaaji Nuur Maayerka Ceerigaabo waxa uu sidaa ku sheegay hadal uu ka jeediyey Munaasibad uu Wasiirka Caafimaadka Somaliland Dawooyin ku guddoonsiinayey Maamulka Cusbitaalka guud, degmo iyo gobol oo lagu qabtay magaaladaas, hadalka uu Maayer Ismaaciil ka jeediyeyna waxaan idiinku soo gudbinaynaa Muuqaalkan hoose ee Daawasho wacan oo wanaagsan:-
Berberatoday.com
Follow