berberatoday.com
Somaliland Oo La Safatay Xulafada Sucuudiga Iyo Diyaaradaha Qatar Oo Xalayba Dul Marayay Hawada Hargeysa –
June 12, 2017 - Written by Berbera Today

Hargeysa(Berberatoday.com)-Xukuumadda Jamhuuriyada Somaliland ayaa si rasmi ah ugu dhawaaqday inay khilaafka siyaasadeed ee soo kala dhex galay dalalka Khaliijka ay la safatay dalalka Sucuudiga iyo Imaaraadka, waxaanay uga digtay dalka  Qatar in aanay hawada Jamhuuriyada Somaliland ku isticmaali karin ogolaansho laga siiyay dalka Somaliya.

Waxa ay xukuumaddu sidan ku dhawaaqday kadib markii golaha wasiiradu shalay isugu yimaadeen shir aan caadi ahayn kaas oo lagaga arinsanaayay khilaafka xadhkaha goostay ee ka dhex qarxay dalalka Khaliijka, waxaana go’aankan oo uu si rasmi ah warbaahinta uga hor akhriyay wasiirka arimaha dibada Jamhuuriyada Somaliland Sacad Cali Shire uu u dhignaa sidan “Jamhuuriyada Somaliland iyada oo aaminsan mabaadiida wada noolaanshaha iyo xasiloonida gobalka kana soo horjeeda wax kasta oo wax u dhimi kara nabada iyo degenaashaha, isla markaasna ka soo horjeeda xagjirnimada iyo cid kasta oo taageerta xagjirnimo, Jamhuuriyada Somaliland iyada oo isla markaas tixgalinaysa cilaaqaadka taariikhiga ah ee dhaqan,dhaqaale iyo siyaasi ee ka dhaxeeya Jamhuuriyada Somaliland iyo wadamada khaliijka, waxay golaha wasiiradu maanta oo ay taariikhdu tahay 10-06-2017 isugu yimaadeen shir aan caadi ahayn kaas oo uu guddoominaayay madaxweynaha Jamhuuriyada Somaliland shirka golaha wasiiradu waxa uu ku saabsanaa khilaafka siyaasi ee ka dhaxeeya dalalka Khaliijka iyo mawqifka ay Somaliland ka qaadanayso sidaas darteed waxa ka soo baxay golaha wasiirada qodobadan:-

1-In Jamhuuriyada Somaliland si buuxda ay u taageerayso mawqifka iyo aragtida ay ka qaateen dalalka Sucuudigu Imaaraadku khilaafka siyaasiga ah ee u dhaxeeya iyaga iyo dalka Qatar.

2-In laga bilaabo maanta cid aan ogolaansho ka haysan Jamhuuriyada Somaliland aanay isticmaali karin oo aanay mari karin hawda Jamhuuriyada Somaliland.

3-Jamhuuriyada Somaliland waxay u madaxbanaantahay cirkeeda,dhulkeeda iyo badeeda Somaliya kama taliso mana bixin karto ogolaansho cidi ku isticmaali karto dhulka iyo bada Jamhuuriyada Somaliland.”

Hase yeeshee sida laga soo xigtay qalabka Raadaarka, shalay ilaa xalay waxay diyaaradaha Qatar dul marayeen hawada Hargeysa ee Jamhuuriyadda Somaliland. Mid ka mid ah diyaaradahaas ayaa ka timid magaalada Khartuum ee dalka Suudaan, waxaanay ku socotay dalka Qatar iyadoo dul martay hawada Hargeysa.

 

 

Berberatoday.com

COMMENTS
- A. N. & Horumarka
- Afka Hooyo
- Afnugaal
- Aftahan
- Alaybadday
- Aljazeera
- Aljzeera English
- Allaybday
- Almisnews
- altaqwaa
- Amiin Caamir
- Araweelo News
- ASKAR'S BLOG
- awdalpost
- BBC SOMNALI
- Berberatoday
- Berberapress
- Burao university
- Burco Online
- Caroog
- djiboutimedia.com
- Djiboutination
- durdurnews
- Farshaxan
- Gabileynews
- Gabiley24
- GabIleytoday
- Gamuur Trading Company
- Gardo
- Geeska.net
- Goljano
- haatufnews
- Hadhwanaagnews
- Hayaannnews
- hornjobs
- Hubaalmedia
- Hargeysa-online
- hoyga suugaanta
- jamhuuriya news
- Murtimaal
- Ogaalnews.Net
- Oodwayne News
- puntboys
- qarannews
- Qodaalnews
- Qtlhost Website
- Raadtv international
- Radio somaliland
- Radio Timacade
- Radiohargeysa
- RadioHargeysa24
- Ramaasnews
- Saaxilnews
- SalalNews
- Sallaxlaynews
- Sanaag.org
- Sanlaawenews
- sdwo
- sheekhumal.net
- Somalilandpress
- Somdaily.com
- Somaligoal.com
- Somaliweyn
- sooyaal
- Timacade News
- TogaHerer
- Togdheernews
- tvSomalilandEurope
- Waaheen
- Wanaagfaris
- warya Tv
- Watershed Legal Service
- WAJAALENEWS
- www.caalaminews.com
- www.radiohargaysa.net
- www.Timacade.com
- Xidigtanews
- XOGDOON NEWS
- Xoriyonews