berberatoday.com
Shirkada SKA international groups waa shirkad macaash doon ah oo Qandaraasle ah( Contructor ) ee Maxay u timi Somaliland?? Qalinkii A/rahman fidhinle UK
April 29, 2017 - Written by Berbera Today
Waxaanu Shacabka Reer Somaliland daaha uga faydaynaa in shirkada SKA international groups aanay aheyn shirkad maalgashade ah ee ay tahay Shirkad macaash-doon ah oo ugaadhsata qandaraasyada dalalka dagaalada sokeeye ragaadiyeen ee nabad-gelyadoodu aad u xun tahay iyo dalalka xooga badan ay ku leeyihiin argagixisada aduunka khatarta badan ku haysa. Shirkada SKA international groups waxay qandaraasyo aan badneyn ka qaateen ilaa iyo 7- 8  wadan taas oo qandaraasyadaa qaarkood ay yihiin gacantii labaad ama (sub-conturcts)  aan buurneyn waxaana wadamadaas ka  ka mid ah kuwan hoos ku taxan:
1-  Ciraaq iyo Kurdistan
2-  South Africa iyo South Sudan
3- Ugaandha iyo Somalia
4-  Afghanistaan iyo Kwuit
Iyo dalka imaaraatka (UAE) oo Gegidiisa  Dayaaradaha ( RAK International Airport )  ay Qandaraas ku qaadatay in ay shidaalka siiso Dayaaradaha, shandadahana rarto.
  Hadaba Su’aashu waxay tahay – Waa maxay  Qandaraasyada iyo howl-galada ay shirkadani wadamadan sare ka fulisaa ?
  Shirkadan SKA International groups waxay ku foogan tahay oo  shaqadeedu ku soo ururtaa  6-dan  qaybood ee hoose :
1-  Keydinta, maamulida iyo qaybinta shidaalka dalalkaas qaybo ka mid ah (fuel storage and supply chain management )
2-  Maamulida, agaasinka iyo maareynta qaar ka mid ah Madaarada madaniga ah iyo kuwa ciidamada ee dalalkaas ( Aviation Services )
3-  Qaybinta iyo daabulaada saadka Ciidamada iyo xamuulka culus ( Ground logistics and Cargo air transportation)
4-  Dhismaha Garoomada, Hangarada keydka iyo saldigyada ciidamada kala duwan  ( Warehouse and  Camp Construction )
5- Waxay kireeyaan Dayaaradaha qumaatiga u kaca, kuwa xamuulka iyo kuwa dadka qaada ( Helicopter operations, Cargo Air transportation and Passenger Aircrafts)
6-  Waxay qandaraas ku qaataan oo sugaan Amaanka iyo nabadgelyada goobaha ay ka hawlgalaan dhinac kasta gaar ahaan Madaarada iyo Goobaha shidaalka ( Security Services )
Waxaa in intaa u sii dheer, maadaama ay shirkadani ka hawl-gasho wadamo khatartoodu aad u sareyso waxay dersaan oo baadhaan khataraha ku xeeran dalalka iyo degaanada ay ka hawlgalaan Waxaana ay sameeyaan  baadhitaano culus oo isdabo joog ah (Dynamic risk-assessments ) iyaga oo khatar kasta oo ay helaan sugaaya oo xakame u sameynaaya ( preventative measures )
UBUC
Hadaba Shirkada SKA international Groups maxay waqtigan kala guurka ah ay Somaliland u timi ee ay ka raajicinaysaa ? Muxuuse Gudoomiyaha Xisbiga Ucid Faysal Ali Waraabe ee Siyaadadda Somaliland iyo Siyaasadii Xisbigiisaba ku fashilmay uu u hor-boodayaa  shirkada?  Boowe !  Xaalku Waa Aan ka Fuudee, Allow Fii Haa !! Allow Fii Haa !! 
Ilo wadareedyo warkooda loo wanqalo oo udhuun-daloola qandaraasyada  shirkadani ka  rabto Somaliland  ayaa noo xaqiijiyey in shirkada SKA international Group ay  Somaliland iyo shirkada DPWorld ee Dekeda Berbera lagu wareejiyey ay ka raajicinayso  qandaraasyo badan iyo Mashaariicdan hoose:
1- Waxay Somaliland ka raajicinaysaa in ay maamulka iyo maareynta Madaarka Cigaal international airport kala wareegaan mudo dheer.
2- Waxay Doonaysaa in ay qaadato qandaraaska dhismaha ee labada saldhig ee Milatary ee Berbera looga dhisi doono Ciidanka isbahaysiga Carbeed.
3- Waxay doonaysaa in ay qandaraas ku qaadato in ay dhisto Hangarada keydka saadka ee Freezone ka ee magaalada Berbera laga dhisi doono
4- Waxay rabtaa kuna riyoonaysaa in ay qaadato dhamaan qandaraasyada Balaadhinta Dekeda berbera
5- Waxay rabtaa in ay qaadato Qandaraaska dhismaha Gegida Dayaaradaha ee Berbera laga dhisi doono
6- Waxay doonaysaa in ay hesho lana wareegto dhamaan keydinta, daabulaada iyo qaybinta Xamuulka culus ee dalka yimaada bad iyo beri ba.
7- Waxay rajaynaysaa in qandaraas lagu siiyo dhamaan sugida amniga aagaga muhiinka ah ee dalka sida Madaarada, Xeebaha  iyo Dekedaha.
8- Waxay raajicinaysaa in ay la wareegto dhamaan keydinta ,maamulka iyo qaybinta shidaalka dalka yimaada oo dhan.
–  Waxay mushtamaca  reer Somaliland ula muuqataa in ay shirkada DPWorld ay sife gacan -wadaag ah (Duoploy) ay shirkada SKA international Group ay u qaybsan doonaan ilaha dhaqaalaha ee dalka oo dhan, kuwaas oo sii sameyn doona shirkado yar yar oo sameys ah sida shirkada ” ilma jinni boqor”  oo ay iyagu maamuli doonaan si ay u qaybsadaan dhitada iyo dhamayda  dalka oo dhan. hadii ay arintani suurto gasho waxaa meesha ka baxaaya dhamaan qandaraasyadii yar- yaraa ee reer Somaliland ka heli lahaayeen shirkada DPW, waxaa Iyana afka-udhacaaya shaqaale hoosaadkii ka xoogsan jiray Dekeda Berbera iyo Madaarada Somaliland.
GEBA-GEBO :  Shirkada SKA international Group waa shirkad macaash-doon ah oo qandaraasley ah, Taas oo dabo xagafsanaysa hada Shirkada DPWorld si ay uga hesho qandaraasyo badan oo isugu jira dhismeyaal, maareyn iyo maamulba..Gudoomiyaha xisbiga Ucid Faysal Ali Waraabe markii uu ku fashilmay in uu la yimaado Xilgudasho taam ah iyo rayi sameyn siyaasadeed oo cokan ayuu u xuubsiibtay Dilaal la shaqeysta Kooxda yar ee ku caanka baxday in ay wada Jumladaan Johoradii dalka oo dhan.Taariikhda Somaliland waa markii ugu horeysay ee Gudoomiye Xisbi qaran oo mucaarid ahi uu ku milmo xukuumada oo uu dilaal iyo malaal isu bedelo. Waxaana isha lagu hayaa surimadda uu ka aroori doono iyo halka Faysal iyo shirkadaa uu Dilaalka u yahay ee uu soo qayd xanbaartay  ay isla maraan.
                                        Anigu Daaha kama rogin ee dadkuba wuu arkaayaa ! Shacabow tiraa kaa gedmane wax isu gey-geyso !!!
                                          Source :  SKA international Group Websites .

Alleh ayaa Mahad Leh,
Wehelkiin Waa-Alleh iyo Nebi(scs)
Wa-laahum-Aclum- Waa Billaahi-Taw-fiiq,
Qalinkii :A/rahman fidhinle
Qoraa Madax banaan
Intensive ED BD BA
United Kingdom
London

COMMENTS
- A. N. & Horumarka
- Afka Hooyo
- Afnugaal
- Aftahan
- Alaybadday
- Aljazeera
- Aljzeera English
- Allaybday
- Almisnews
- altaqwaa
- Amiin Caamir
- Araweelo News
- ASKAR'S BLOG
- awdalpost
- BBC SOMNALI
- Berberatoday
- Berberapress
- Burao university
- Burco Online
- Caroog
- djiboutimedia.com
- Djiboutination
- durdurnews
- Farshaxan
- Gabileynews
- Gabiley24
- GabIleytoday
- Gamuur Trading Company
- Gardo
- Geeska.net
- Goljano
- haatufnews
- Hadhwanaagnews
- Hayaannnews
- hornjobs
- Hubaalmedia
- Hargeysa-online
- hoyga suugaanta
- jamhuuriya news
- Murtimaal
- Ogaalnews.Net
- Oodwayne News
- puntboys
- qarannews
- Qodaalnews
- Qtlhost Website
- Raadtv international
- Radio somaliland
- Radio Timacade
- Radiohargeysa
- RadioHargeysa24
- Ramaasnews
- Saaxilnews
- SalalNews
- Sallaxlaynews
- Sanaag.org
- Sanlaawenews
- sdwo
- sheekhumal.net
- Somalilandpress
- Somdaily.com
- Somaligoal.com
- Somaliweyn
- sooyaal
- Timacade News
- TogaHerer
- Togdheernews
- tvSomalilandEurope
- Waaheen
- Wanaagfaris
- warya Tv
- Watershed Legal Service
- WAJAALENEWS
- www.caalaminews.com
- www.radiohargaysa.net
- www.Timacade.com
- Xidigtanews
- XOGDOON NEWS
- Xoriyonews